Американскиот ММА борец Макс Холовеј ја одбрани УФЦ титулата во перолесна категорија откако синоќа го победи сонародникот Брајан Ортега во петтата рунда.
Холовеј му зададе 454 удари на Ортега, од кои дури 254 завршија на вистинското место. Ортега јуначки го издржа сето на нозе цели четири рунди.
По прегледот од лекар во почетокот на петтата рунда беше донесена одлука дека борбата не може да се продолжи и Холовеј ја понесе победата.
Левото око му беше целосно затворено на Ортега со оглед на тоа дека прими далеку повеќе удари отколку што треба и едноставно веќе немаше смисла да глуми боксерска вреќа во октагонот.
