Празничниот викенд донесе нов лидер на светскиот боксофис, откако минатата недела тоа место беше наменето за новиот филм на Стивен Спилберг, „Ready Player One“.
Новиот „A Quiet Place“ беше најавуван како најстрашниот филм во последната деценија, а тоа привлече огромна публика во киносалите и уште во првиот викенд од прикажување тој се искачи на првото место на светскиот боксофис, заработувајќи повеќе од 50 милиони американски долари.
Ова се покажа како добар викенд за премиери, бидејќи дури 3 новитети се најдоа помеѓу десетте филмови со најголема заработка на боксофисот. Покрај „A Quiet Place“, тука се уште „Blockers“ и „Chappaquiddick“, додека четвртиот новитет „The Miracle Season“ се најде на 11-то место.
Помеѓу првите 10 филмови се најде и новиот филм на Вес Андерсон, „The Isle of Dogs“, откако минатата недела не успеа да се пласира во елитната десетка.
Целосната листа на филмови со најголема заработка викендов:
- A Quiet Place – 50,2 милиони долари
- Ready Player One – 24,6 милиони
- Blockers – 20,5 милиони
- Black Panther – 8,7 милиони
- Tyler Perry’s Acrimony – 8,3 милиони
- I Can Only Imagine – 7,8 милиони
- Chappaquiddick – 5,7 милиони
- Sherlock Gnomes – 5,4 милиони
- Pacific Rim: Uprising – 4,8 милиони
- Isle of Dogs – 4,5 милиони
