Боксофис: Силен старт на „Tomb Raider“, но недоволен за прво место

Првиот викенд на прикажување на новиот „Tomb Raider“ со Алиша Викандер во главната улога помина солидно, но не беше доволно за да го симне од врвот хитот „Black Panther“, кој уште еднаш заработи најмногу низ светските киносали.

Како и изминатите неколку недели, последниот филм од филмската франшиза на Marvel се искачи на самиот врв на боксофисот, заработувајќи повеќе од 27 милиони американски долари. Веднаш зад него се пласираше „Tomb Raider“, кој е вториот обид да се пренесе легендарната видео игра на филмското платно, откако првиот обид (со Анџелина Џоли) имаше мешани реакции и не баш сјаен перформанс на боксофисот.

Голем удар заработи новиот филм на Натали Портман, „Annihilation“, кој беше тргнат од повеќето киносали со објаснување дека бил „премногу комплициран и несфатлив за публиката“.

Целосната листа на филмови со најголема заработка изгледа вака:

1. Black Panther – 27 милиони долари
2. Tomb Raider – 23,5 милиони
3. I Can Only Imagine – 17 милиони
4. A Wrinkle in Time – 16,5 милиони
5. Love, Simon – 11,5 милиони
6. Game Night – 5,5 милиони
7. Peter Rabbit – 5,2 милиони
8. Strangers: Prey at Night – 4,8 милиони
9. Red Sparrow – 4,4 милиони
10. Death Wish – 3,3 милиони