Данило Галинари поради повреда нема да настапи на Европското првенство во кошарка. Италијанскиот репрезентативец самиот е виновен за повредата: на пријателскиот меч со Холандија се степа со Јит Кок и го скрши палецот на раката кога му удри бокс на противничкиот центар.
Инцидентот се случи во борба за позиција по изведувањето на слободните фрлања на играч од италијанската репрезентација.
Двајцата играчи си размениле по неколку удари, а играчот на ЛА Клиперс, откако страстите се смириле заминал во болница на прегледи каде било констатирано дека има фрактура на палецот на раката, поради што нема да може да игра на Европското првенство.
Галинари кој ова лето од Денвер се пресели во ЛА Клиперс ќе биде подготвен за претсезонските натпревари и подготовките за новата НБА сезона.
