Актерот Алек Болдвин конечно го предаде неговиот мобилен телефон на полицијата во Њујорк, а уредот ќе биде прегледан поради можни докази во истрагата за фаталното пукање во текот на снимањето на филмот „Rust“.
Болдвин на 21 октомври во текот на снимањето на филмска сцена пукаше во снимателката Халина Хачинс.
Досега тој не сакаше самоволно да го предаде неговиот iPhone, но сепак на крајот тоа го стори предавајќи го за потребите на истрагата. Ќе се анализираат видеа, фотографии и пораки, дури и оние избришаните.
Полицијата на Ново Мексико побара помош од властите во Њујорк за да го добијат мобилниот на Болдвин во склоп на истрагата за пукањето во филмот. По трагедијата на сетот, Болдвин се врати во неговиот дом во Њујорк, а властите на Ново Мексико беа беспомошни во настојувањата да го добијат неговиот телефон.
Адвокатот на Болдвин во денешното соопштение изјави дека актерот доброволно го предал уредот на властите за да се стави крај на истрагата.
