Болидот во кој британскиот возач на Формула 1 Луис Хамилтон победи на Големата награда во Турција во 2010 година е продаден за рекордна сума.
Аукцијата беше одржана минатиот викенд, а болидот на Хамилтон McLaren MP4-25A е продаден за 4,836.000 фунти.
Се работи за вториот најскап продаден болид, а рекордот го држи болидот Ferrari F2001 кој припаѓаше на легендарниот Михаел Шумахер. Тој болид беше продаден за 5,449.607 милиони долари во 2017 година.
Аукцијата е одржана пред 140.000 фанови на стазата Силверстоун на којашто победи Хамилтон. Болидот го движи 2,4-литарски Mercedes-Benz FO 108X V8 мотор.
