Јусеин Болт победи на последната трка во кариерата пред домашната публика на Јамајка. Тој на трката на 100 метри во Кингстон триумфираше со време 10,3 секунди.
„Останав без зборови. Уште од јуниорска конкуренција поддршката која ја добивав од вас (навивачите) беше неверојатна. Никогаш не го очекував ова. Големо е задоволство што ве гледам тука на стадионот. Тоа покажува дека го почитувате она што го правев, а тоа за мене преставува голема чест“, рекол Болт по трката.
Јусеин Болт во кариерата има освоено девет златни олимписки медали, а кариерата ќе ја заврши по светското првенство. Според многумина тој е најголемиот кој некогаш зачекорил на атлетската патека.
