Во 2011 година Џон Бон Џови отвори синџир ресторани наречен The Soul Chain во кои се нуди бесплатна храна за сиромашните, а неодамна во интервју откри дека пет дена неделно работи во еден од нив и мие садови.
И покрај фактот дека неговото богатство достигна цена од половина милијарда долари, Бон Џови секојдневно им помага на сиромашните луѓе.
Во шоуто на Хауард Стерн тој се јави од неговиот дом во Њу Џерзи и изјави дека и понатаму работи во кујната на Soul Kitchen, пет дена во неделата помага ресторанот да овозможи оброци на луѓето кои не можат да си дозволат редовна храна.
„Во кујната работам со главниот готвач и менаџерот на ресторанот. Мијам садови, немам врска со тоа што е надвор, влегувам во кујната и останувам таму. Така што на тој начин го вежбаме нашето социјално дистанцирање“, вели музичарот.
Уште во 2020 година беа објавени фотографии од него како мие садови во еден од рестораните.
За време на пандемијата рестораните беа отворено единствено за луѓе во неволја и оние кои не можат да си дозволат ниту еден оброк во денот.
„Луѓето кои веќе беа бездомници ги изгубија ресурсите, а некои луѓе останаа без работа и без можност да купуваат храна“, објасни тој.
