Приказната која во последните неколку дена е актуелна во италијанските медиуми, се чини дека сега е на чекор од реализација.
Имено, синоќа новиот спортски директор на Милан, Леонардо Аруахо, одржа состанок со братот на Игуаин, со цел да го договори неговиот трансфер во редовите на „Росонерите“. Паралелно со тоа, Леонардо преговараше и со челниците на Јуве во врска со размената на играчи, односно за операцијата Бонучи-Калдара.
Првичните информации после синоќашниот состанок велат дека работата е завршена, односно дека операцијата на летото во Италија е пред самиот крај.
Јувентус ќе добие 20 милиони евра за едногодишна позајмица на Игуаин, чиј договор „Росонерите“ ќе бидат обврзани следното лето да го откупат за 35 милиони евра.
Кога станува збор за другата трансфер сага на истата релација, се чини дека и овде е се готово.
Леонардо Бонучи се враќа во Јуве, додека на „Сан Сиро“ ќе пристигне младиот дефанзивец Матија Калдара.
Јувентус наводно прифатил размена, а Бонучи сака да се врати „дома“, каде би требало да заработува плата од 5,5 милиони евра годишно.
Значи, да ги сумираме работите, Игуаин и Калдара ќе го засилат Милан, додека Бонучи се враќа во Јувентус, а од реализацијата на споменатите трансфери, сега не делат само ситници.
