Жолта боранија на лажица е јадење за секој ден, пробајте го овој рецепт на унгарски начин.
Унгарската кујна е надалеку прочуена по вкусниот гулаш, па нема причина да не веруваме дека нивниот рецепт за жолта боранија не е добар.
Потребни состојки:
- 2 лажици масло
- 500 гр жолта боранија
- 1 средна главица кромид
- 2 чешниња лук
- 1 среден компир
- 1 морков
- 1,5 л вода
- 200 мл кисела павлака
- 1 лажичка пченкарно брашно
- 1 лажичка блага пипер
- сол
- бибер
- 1 мал ловоров лист
- свеж магдонос
Подготовка:
Прво исчистете го и подгответе го целиот зеленчук: боранијата исечкајте ја на парчиња, кромидот и лукот ситко исечкајте ги, компирот излупете го и исечкајте го на коцки, а морковот исечкајте го на прстени.
На масло пропржете ги кромидот и лукот додека не станат проѕирни. Тргнете ги од оган и измешајте една лажичка пипер во прав. Додадете го зеленчукот и пржете на умерен оган 2-3 минути додека мешате. Истурете вода, додадете ловоров лист, сол и бибер по вкус и варете на тивок оган додека зеленчукот не омекне.
Измешајте една кафена лажичка пченкарно брашно со павлаката, истурете малку врела течност од чорбата за да се изедначи температурата меѓу нив, убаво измешајте, па истурете во чорбатаа и мешајте додека малку не се згусне. Послужете со тазе крцкав леб и украсете со свежо сечкан магдонос.
