1.МФЛ 2020/21

Борец го совлада Вардар на отворањето од новата сезона во 1.МФЛ

Филип Здравески
/ 08.08.2020 / 19:38

Десеткуваниот Вардар загуби на домашен терен од велешки Борец во натпревар кој ја отвори новата сезона од најквалитетната македонска фудбалска лига.

По цели 5 месеци пауза поради прекинот на ланската сезона, клупскиот фудбал во Македонија конечно продолжи денеска и тоа со инаугуралниот натпревар од новата сезона во Првата лига. Вардар, првопласираниот тим од лани и несуден шампион, го пречека Борец на „Тоше Проески“ стадионот во Скопје.

Иако без публика, се слушаше навивањето од Комитите кои собрани пред стадионот им даваа поддршка на своите фудбалери. Оттука се поставува и прашањето која е логиката на стадионот со капацитет од 35 илјади гледачи да е забрането присуство на публика во ограничен број?

Студен туш за младиот и неискусен состав на Вардар стигна по само две минути игра кога на одлична асистенција на Бразилецот Фернанду Силва дус Сантус домашната мрежа ја затресе Србинот Никола Радовиќ.

Вардарци не се соземаа од шокот, а гостите создадоа уште неколку шанси. Кај двата тима се приметуваше големата пауза, а особено невоиграноста кај домаќините кои подготовките ги започнаа пред едвај недела дена. Имаше и Вардар по некоја шанса, особено топовскиот слободен удар на Дарко Мицевски во 56. минута кој гостинскиот голман Бурхан Мустафа одлично го одбрани.

Борец, пак, буквално се изнапромаши. Капитенот Никола Прелчец едноставно немаше среќа да постигне гол, а неколку шанси испушти и стрелецот на победничкиот гол, Радовиќ. Кон крајот на натпреварот, кога велешани требаше да ја заверат победата, до израз дојде и себичноста на напаѓачите кои наместо да додаваат, шутираа од неизградени позиции, нешто на што тренерот Горазд Михаилов ќе мора да поработи.

Национална Арена „Тоше Проески во Скопје“
Вардар - Борец 0:1 (0:1)
Голови: 2' Никола Радовиќ
Вардар: 25. Филип Илиќ; 22. Давид Велковски (67' 20. Стефан Лазаревиќ), 14. Стефан Наумчески (84' 7. Георг Стојановски), 5. Филип Најдовски (к), 21. Виктор Велкоски, 2. Анатолиј Петејчук (67' 34. Дејан Блажевски); 8. Дарко Мицевски, 48. Фитор Реџепи (46' 32. Бојан Најденов); 11. Матеј Цветановски, 9. Бојан Колевски (74' 19. Филип Петковски), 24. Јован Попзлатанов. Тренер: Александар Васоски.
Борец: 1. Бурхан Мустафа; 2. Филип Ристовски, 4. Оливер Стоименовски, 5. Стојан Стојчевски, 21. Никола Ристески, 8. Роберт Коцев, 14. Кристијан Ефтимов (87' 11. Марјан Ристовски), 24. Оливер Пеев (67' 18. Трајче Трајков), 10. Фернанду Силва дус Сантус (67' 20. Дарио Десниќ), 9. Никола Прелчец (к), 22. Никола Радовиќ (76' 23. Марио Станковски). Тренер Горазд Михаилов.
Жолти картони: Реџепи (В), Ристески, Коцев (Б)
Главен судија: Александар Ставрев (Скопје)
Помошници: Дејан Костадинов и Дејан Неделкоски (Скопје)
Четврти судија: Никола Костенчев (Скопје)

Велешкиот состав ги освои првите три бода во новата сезона и тоа со прва победа над Вардар на гости во клупската историја. Останатите пет натпревари од ова 1. коло се на програмата утре во истиот термин од 17:30 часот. Директен пренос МРТ1 и МРТ3 ќе вршат од натпреварот Шкупи - Шкендија, додека останатите натпревари ќе бидат стримувани на веб-страницата на ФФМ.

реклама

Викендот без ДДВ на 10, 11 и 12 октомври

Read more

Филипче: Разговараме сите во регионот да ги отвориме границите со исти правила за ПЦР тестовите

Read more

Возевме: Спуст по новата велопатека на Водно

Read more

Швајцарија на референдум гласа за слободното движење со ЕУ

Read more

Фудбал

Конте: Очајни бевме во одбрана, не може така

Read more

Интер со фуриозен финиш во голеада ја победи Фиорентина

Read more

Голманот на Пандев позитивен на корона

Read more

Ромеро сака кариерата да ја продолжи во Евертон

Read more

Спорт

Конте: Очајни бевме во одбрана, не може така

Читај повеќе
  • filter

Заврши „Европската фудбалска недела“ на Специјална олимпијада Македонија

Читај повеќе
  • play_arrow

Далас со златен гол ја врати надежта

Читај повеќе
  • play_arrow

Лејкерс е шампион на Западот и обезбеди финале

Читај повеќе
  • play_arrow
  • filter

Интер со фуриозен финиш во голеада ја победи Фиорентина

Читај повеќе

Вардар и Пелистер ги дознаа противниците во СЕХА лигата

Читај повеќе

Голманот на Пандев позитивен на корона

Читај повеќе

Вердаско отпадна од Ролан Гарос, позитивен е на COVID-19

Читај повеќе
  • play_arrow

Тампа дојде на чекор до титулата во НХЛ

Читај повеќе