По година дена претпоставки, Борис Џонсон конечно призна дека е татко на шест деца. Во интервју за американска телевизија, тој изјави дека родителството бара многу труд и дека многу менува пелени.
Британскиот премиер очекува второ дете со сопругата Кери, бебето треба да се роди на Божиќ. Иако не сака јавно да зборува за приватниот живот, сепак во ова интервју Џонсон откри интересни детали.
Во интервјуто за NBC во текот на престојот во Њујорк, Џонсон за прв пат призна дека има шест деца од три различни врски. Со третата сопруга Кери Џонсон има едногодишен син, додека четири сина има со втората сопруга Марина Вилер.
Има и ќерка од љубовна афера од 2009 година со новинарката Хелен Мекинтр.
Борис Џонсон претходно нема зборувано за неговото семејство, но во емисијата Today тој призна дека е татко на шест деца. Запрашан како е да се биде татко на мало дете додека е тој на власт, Џонсон одговори:
„Тоа е одлично, има многу работа, но јас едноставно уживам. Менувам доста пелени“.
Џонсон се има женето трипати, а двата претходни брака завршија со развод.
