Помалку познатиот од плејадата Балканци во НБА имаше крајно лоша вечер откако сѐ што шутна кон обрачот заврши надвор од него. Затоа нов трипл-дабл запиша Никола Јокиќ.
Кошаркарите на Њу Орлеанс Пеликанс на свој терен го победија Портланд Трејл Блејзерс со 127:110, а еден од најлошите натпревари во кариерата одигра босанкиот кошаркар Јусуф Нуркиќ.
Центарот пред пет дена се врати на паркетот откако се опорави од повредата, но се уште е далеку од идеалната форма, а тоа најдобро го демонстрираше ноќеска кога буквално ништо не му одеше од рака.
Имаше значително мала минутажа од 10 минути, но ниту во тие минути не се прослави. Ниту еднаш не погоди од поле во пет обиди, двапати проба и двапати промаши од линијата за три, а успеа да фати само два скока. Згора на тоа, имаше и две изгубени топки и 2 грешки.
Инаку, Пеликанс веќе во првата четвртина речиси го решија прашањето на победникот, а предноста се зголемуваше до полувремето кога беше 74:54. Блејзерс не се созедоа ниту во второто полувреме, па на крајот доживеаја заслужен и убедлив пораз од директните ривали во борбата за место во баражот.
Треј Марфи со 41 поен ги предводеше Пеликанс, додека СиЏеј МекКолум имаше дабл-дабл учинок од 22 поена и 11 асистенции. Кај Портланд најдобар беше Анфрни Симонс со 17 поени.
Њу Орлеанс Пеликанс е на 10. место во Западната конференција со 33 победи и 35 порази, додека Портланд Трејл Блејзерс е на 13-тата позиција со скор 31-37.
Никола Јокиќ оствари трипл-дабл учинок во поразот на Денвер Нагетс од 120:122 на домашен терен од Бруклин Нетс. Србинот имаше 35 поени, 20 скокови и 11 асистенции.
Резултати:
Денвер Нагетс - Бруклин Нетс 120:122
Шарлот Хорнетс - Кливленд Кавалирс 108:114
Филаделфија 76ерс - Вашингтон Визардс 11:93
Њу Орлеанс Пеликанс - Портланд Трејл Блејзерс 127:110
Сан Антонио Спарс - Оклахома Сити Тандер 90:102
Лос Анџелес Лејкерс - Њујорк Никс 108:112
Табела:
