Кошаркарите на Бостон Селтикс на домашен терен го победи Мајами Хит со 110:97, и ја намалија негативата во финалната серија на Источната конференција на НБА на 3-2.
Тоа беше втора последователна победа за Бостон, а најзаслужен за победата беше Дерик Вајт со 24 поени.
Маркус Смарт додаде 23 поени, Џејсон Тејтум и Џејлен Браун по 21, додека Данкан Робинсон постигна најмногу за Хит - 18.
Најдобриот играч на Мајами, Џими Батлер, постигна само 14 поени.
Инаку, Бостон водеше цел натпревар откако го отвори мечот со серија 20:5, па потоа Мајами не можеше да се врати.
Шестиот натпревар ќе се игра ноќта од сабота кон недела во Мајами (2:30 часот по македонско време), а евентуалната мајсторка би се играла во Бостон.
Вреди да се истакне дека во долгата историја на натпреварите од плеј-офот во НБА, 150 пати се случило една екипа да заостанува со 0-3 во серијата и ниту еднаш немало пресврт.
Да потсетиме, победникот од овој дуел во големото финале го чека Денвер Нагетс кој со 4-0 го исфрли Лос Анџелес Лејкерс.
