Кошаркарите на Бостон Селтикс пристигнаа на чекор од големото финале во НБА лигата.
Со 93:80 славеа на гостувањето кај Мајами Хит и поведоа со 3:2 во финалната серија на Истокот. Утревечер ќе имаат шанса да стигнат до 22-то големо финале и да стигнат до 18-та титула со која би се одвоиле од Лос Анџелес Лејкерс на вечната листа.
Хит одигра добро во првото полувреме по кое поведе со пет разлика. Решавачка беше третата четвртина во која Бостон постигна дури 32 поени, двојно повеќе од домаќините, а таа предност успеа мирно да ја одбрани во последната четвртина. Тоа беше втора победа на Хит на гости во оваа серија.
Селтикс беа предводени од Џејлен Браун со 25 поени (10/19 шута од игра), а фантастична партија имаше и Џејсон Тејтум кој остави една асистенција помалку за трипл-дабл учинок (22 поени, 12 скока, 9 асистенции). Кај Мајами најдобар беше Бам Адебајо со 18 поени и десет скока.
Најголемото разочарување беше првата ѕвезда на Хит, Џими Батлер. Погоди катастрофални 22% од игра (4/18) и мечот го заврши со 13 поени. Роберт Вилијамс Трети повторно беше еден од клучните играчи во дефанзивната фаза со 10 скока, три блокади и една украдена топка.