Кошаркарите на Бостон и Мајами ја продолжија возбудливата серија од финалето на плеј-офот на Источната конференција, а по синоќешниот натпревар резултатот е 2:2 во победи.
Првиот и третиот натпревар ги доби Мајами Хит, додека вториот и четвртиот Бостон Селтикс. Ноќеска Селтикс славеа со убедливи 102:82 и израмнија на 2:2 благодарение на одличниот Џејсон Тејтум.
Крилниот напаѓач на Бостон натпреварот го заврши со 31 поен, 8 скока и 5 асистенции, а уште пет негови соиграчи имаа двоцифрен број на поени.
На спротивната страна ниту една од стартните пет на Мајами не постигна повеќе од 9 поени, а најдобар стрелец беше играчот од клупата за резерви Виктор Оладипо, кој постигна 23 поени.
Следниот натпревар се игра во Мајами ноќта од среда кон четврток, а во финалето на плеј-офот ќе се пласира тимот кој прв ќе стигне до четири победи.