Со расположените Тејтум и Браун, тимот на Бостон Селтикс со фуриозна трета четвртина дојде до победа против Мајами Хит и ја врати незивесноста во источното финале.
Мајами со 8 разлика ја доби воведната четвртина, потоа натпреварот беше изедначен сѐ до третата каде кошаркарите на Бостон „растурија“ добивајќи ја со 16 разлика. До крајот ја одржаа предноста и славеа победа од 121:108.
Најмниогу поени забележа Џејсон Тејтум, 31, како и 10 скокови и 6 асистенции, а три поени помалку даде Џејлен Браун. Добар придонес со 12 скокови и 15 поени даде и Германецот Даниел Тајс. Кај поразениот тим се истакна Словенецот Горан Драгиќ со 23 поени.
Сега Мајами води со 3-2 во партии и му треба уште една победа за пласман во големото финале. Следната шеста партија помеѓу овие два ривала е во понеделник сабајле во 1:30 часот по македонско време.
