Кошаркарите на Бостон Селтикс надополнија минус од 26 поени и славеа во Филаделфија со 118:110. Во ноќта зад нас седмата последовна победа ја забележаа играчите на Мемфис Гризлис, а Кливленд Кавалирс со дури 43 разлика го потопи Далас Маверикс.
Актуелните шампиони, Бостон Селтикс, до 35-тата победа во сезоната дојдоа на спектакуларен начин. Се вратија од негатива од 26 поени и ја победија Филаделфија 76ерс.
Ги предводеше Џејсон Тејтум со 35 поени, од кои 13 постигна во четвртата четвртина, а имаше и 11 асистенции и 7 скокови.
Во победата придонесоа Џејлен Браун со 21 поен, 10 скока и 6 асистенции, Кристапс Порзињѓис со 18 поени и 7 скокови и Дерик Вајт со 17 поени и 9 асистенции.
Најефикасен во тимот на Филаделфија беше Тајрис Макси со 34 поени. Ова беше петти последователен натпревар на кој постигнува најмалку 30 поени, а 14-ти последователен натпревар со најмалку 28 поени. Во првото полувреме постигна 23 поени и имаше 6 асистенции.
Гершон Јабусуле додаде 21 поен и 6 скокови, Кели Убре 18 поени и 13 скокови, а Џастин Едвардс запиша 12 поени и 7 скокови.
Мемфис Гризлис го совлада Милвоки Бакс со 132:119 и ја забележа седмата последователна победа во меѓусебните дуели.
Џерек Џексон беше најефикасен во победничкиот тим со 37 поени, а Санти Алдама постигна 23 поени и забележа 8 скока. Дезмонд Бејн додаде 22 поена со 9 скока, а Зек Иди имаше 14 поени со 11 скокови.
Милвоки последен пат го победи Мемфис на 19 јануари 2022 година.
Бакс го претрпе четвртиот пораз во последните пет натпревари, а најефикасен беше Јанис Адетокунбо со 30 поени, 11 скокови и 7 асистенции.
Далас Маверикс гостуваше во Кливленд, а веста за шокантното заминување на Лука Дончиќ очигледно ги погоди со оглед на тоа што доживеаја вистински дебакл.
Кливленд победи со дури 43 поени разлика (144:101) и го потврди статусот на најдобар тим во НБА во моментов.
Најефикасен беше Сем Мерил со 27 поени, а Еван Мобли и Дариус Гарланд запишаа дабл-дабл со 22 поена и 11 скокови, односно 17 поени и 10 асистенции.
Кај Далас 21 поен уфрли Џејден Харди.
Резултати:
Детроит Пистонс - Чикаго Булс 127:119
Кливленд Кавалирс - Далас Маверикс 144:101
Торонто - Лос Анџелес Клиперс 115:108
Филаделфија 76ерс - Бостон Селтикс 110:118
Милвоки Бакс - Мемфис Гризлис 119:132
Табела:
