Миса и Мајк се откажале од нивниот сон да купат куќа и се преселиле на брод од 80 квадратни метри за да заштедат пари.
Кога двајцата се одлучиле да живеат заедно имале две опции: да купат куќа на периферијата на Сан Франциско за половина милион олари, што би значело дека секој ден ќе мора да патуваат еден час до работа, или да живеат на брод за многу помалку пари.
Десет години откако ја донеле одлуката да живеат на брод, двајцата планираат да останат таму до крајот на животот.
„Секогаш сум сакал да живеам на брод“, вели Мајк кој работи како проект менаер во фирма за изведување електрика.
„Сите мислеа дека сме луди, и семејството и пријателите“, вели Миса.
Кога сите барале недвижнини за купување во 2005 годдина, тие двајцата барале брод. Сфатиле дека така ќе заштедат пари наместо да плаќаат кирија или да ја потрошат целата заштеда на куќа.
Сан Франциско е град со најскап пазар на недвижнини во САД. Бродот од 80 квадратни метри го платиле 300.000 долари и велат дека им е сосема доволен за нив и нивното куче Рокси.
Ентериерот го уредиле како куќа, а имаат и две гостински соби и кревети на кат за внуките.
Единствената разлика меѓу куќа и бродот на кој живеат е што еднаш месечно треба да ја празнат септичката јама.
Животот на брод има многу предности, велат тие, како прекрасниот поглед на пристаништето и фактот дека секој ден живеат како да се на одмор.