Бран стечаи ја зафати Германија

Наглиот раст на цените на енергенсите во август принуди на стечај неколку стотици компании во Германија, предупреди економскитот институт IWH, а банките очекуваат значително поголем износ на нефункционални кредити во следната година.

Барање за стечај во август поднеле 718 компании, што е за една четвртина повеќе од лани, а Институтот проценува дека истата стапка на раст ќе биде забележана и во септември.

Во октомври можно е да се искачи на 33%, споредено со бројот на стечаи во истиот период лани, проценуваат од Институтот.

„По долгиот период на ниски бројки на компании во стечај, трендот нагло се промени“, изјави Штефен Милер од IWH.

Германското бизнис здружение BDI предупреди на „голема рецесија“. Во истражувањето што го спроведе меѓу 593 претпријатија, повеќе од една третина од нив навеле дека поради високите цени на енергенсите им се заканува пропаст. Во февруари, кога почна војната во Украина, таква оцена дале 23 отсто од нив.

Индустриската група VKU исто така изрази загриженост, предупредувајќи дека на локалните комунални претпријатија им се заканува неликвидност поради високите цени на енергенсите и потенцијалните проблеми на купувачите со исплаќање.

Лидерот на здружението за хемиската индуистрија VCI вчера предупреди дека сè поскапата енергија би можело значително да ја загрози конкурентноста на Германија.

„Чекорот од водечка светска индустриска нација до музеј за индустрија никогаш не бил толку мал“, изјави за Reuters  шефот на VCI  Волфганг Гросе Ентруп.

Истражувањето на водечките кредитни институции во август покажа дека нефункционалните кредити во Германија следната година ќе пораснат на 37,6 милијарди евра, од 31,9 милијарди оваа година.

Сомнителни споредби

„Нашите корпоративни клиенти не го искусија бранот банкроти за време на пандемијата“, рече Хелмут Шлевајс, претседател на Германското здружение за штедење, на неодамнешната банкарска конференција.

„Денес, сепак, тоа веќе не може да се исклучи, само што обемот (на банкротите) сè уште не може да се квантифицира“, посочи тој.

Кристоф Шаласт, професор на Факултетот за финансии и менаџмент во Франкфурт, рече дека нефункционалните кредити не пораснале значително за време на пандемијата бидејќи државата им помагала на компаниите со програми за поддршка.

„Сепак, ситуацијата драстично се промени. Сега имаме други фактори, како што се инфлацијата, прекините на синџирот на снабдување, војната во Украина и зголемувањето на каматните стапки“, рече тој.

Дел од експертите предупредуваат дека не треба да се извлекуваат погрешни заклучоци од бројките кои покажуваат зголемување на бројот на стечајци.

Тие може да изгледаат лошо сега затоа што беа вештачки намалени за време на пандемијата, во 2020 и 2021 година, кога владата ги поддржа компаниите кои се борат со државна помош и го суспендираше законот што ги обврзува да поднесат барање за неликвидност, велат тие.

реклама

Авион ја промаши пистата кај Монпелје и заврши во езеро

Read more

Потенцијално сценарио: Како би изгледал нуклеарниот напад на Путин во Украина?

Read more

Надал плачеше за Федерер, на крајот и Ѓоковиќ се расплака

Read more

Прво сценарио: Русите фрлаат нуклеарка, Американците одговараат и толку  - кое е второто?

Read more

Бизнис

Дали знаете што е шринкфлација?

Read more

Стравот од рецесија ја турна цената на нафтата под 80 долари

Read more

Истражување на Microsoft: Шефовите мислат дека вработените помалку работат од дома

Read more

И Швајцарската народна банка ги подигна каматните стапки

Read more
 

Вести

Русија го смени заменикот на Шојгу

Читај повеќе

Ураганот Фиона го погоди источниот дел на Канада

Читај повеќе

Авион ја промаши пистата кај Монпелје и заврши во езеро

Читај повеќе

Притвор за двајца крадци фатени на дело во Кумановско

Читај повеќе

Кина ги предупреди САД дека испраќаат „опасни сигнали“ до Тајван

Читај повеќе

Потенцијално сценарио: Како би изгледал нуклеарниот напад на Путин во Украина?

Читај повеќе

Штипската „Пастрмалијада“ продолжува вечерва со настап на Тони Цетински

Читај повеќе

Сончево со ниски утрински температури

Читај повеќе

Бектеши: Се прават напори наставата во зимскиот период да се одвива со физичко присуство

Читај повеќе