Швајцарија в сабота ќе игра против Србија во Лигата на нациите, а тоа ќе биде нивни прв дуел по пресметката на СП 2018 и 2022.
Сите очи се вперени во капитенот на Швајцарија, Гранит Џака, чиј постар брат Таулант дури и го молеше да не игра во Србија.
Гранит Џака на Светското првенство во Русија го покажа албанскиот орел кога постигна гол, додека во Катар 2022 се фати за меѓуножјето додека пцуеше на клупата на српската репрезентација, поради што е омразен во таа земја.
Неговиот брат Таулант е свесен за тензиите кои би можеле да бидат присутни на следниот натпревар, па дури побарал од Гранит да размисли дали воопшто треба да игра во Србија.
„Од прва рака знам колкав притисок и емоции треба да издржиш на овој натпревар“, изјави Таулант, кој е албански репрезентативец, а имаше можност да игра против Србија во 2014 година.
Тој откри и дека веднаш по жрепката го зел телефонот и му предложил на Гранит да не игра.
„Му предложив на Гранит да разговара со тренерот Мурат Јакин и можеби да го прескокне овој натпревар, но сите го знаеме брат ми, тој сака да го игра секој натпревар за Швајцарија“, изјави Таулант Џака за швајцарски Blick, додавајќи:
„Не е лесно да се остане под контрола 90 минути кога работите повторно стануваат толку емотивни. Гранит мора да остане смирен, да игра фудбал, да победува и да ги игнорира провокациите. Лесно е да се каже, но на крајот се се сведува на тоа: играјте го натпреварот и победете“, рече Таулант Џака.
Натпреварот меѓу Србија и Швајцарија е закажан за в сабота, а ќе се игра во Лесковац.
