Со победата над Колумбија Бразил и математички го завери пласманот на Мундијалот станувајќи четврта потврдена репрезентација по домаќинот Катар, Данска и Германија.
Бразилците ноќеска немаа лесна задача бидејќи во Саун Пауло ја пречекаа незгодната Колумбија. Мрежите мируваа до 72. минута кога Лукас Пакета на асистенција на Нејмар го постигна решавачкиот погодок.
Ова беше 11-та победа на Бразил, кој само потврди дека моментално доминира во Јужна Америка, бидејќи има само едно реми и е непоразен, со гол-разлика од 27:4.
Важен чекор напред направи третопласираниот Еквадор кој со минимални 1:0 ја победи Венецуела за нови три бода. Одлучувачкиот гол падна на четири минути пред паузата благодарение на 19-годишниот централен бек Пјеро Инкапие.
Чиле дојде до изненадувачка победа на гостувањето кај Парагвај со што фати приклучок кон борбата за местата кои водат на завршницата. Победникот го реши автоголот на ветеранот Антони Силва во 56. минута.
Дербито на „старите народи“ го доби Перу со уверливи 3:0 против Боливија во Лима. Перуанците во 9. минута ја најавија победа преку Џанлука Лападула, водството го дуплираше Кристиан Куева во 31. минута, додека конечниот резултатот уште пред паузата го постави Серхио Пења во 39-тата.
Колото ќе се комплетира вечерва на полноќ кога во Монтевидео ќе се сретнат старите ривали и колоси на јужноамериканскиот фудбал, Уругвај и Аргентина.
Моментална табела: