Во последното коло од групата на Мундијалот, Бразил не само што загуби неважен натпревар (0:1 од Камерун), туку и двајца важни играчи до крајот на првенството.
Левото крило Алекс Телес и напаѓачот Габриел Жесус беа повредени во споменатиот натпревар. Тренерот Тите на тој меч им даде шанса на резервите, но тоа заврши со тешки последици. Вака продолжија проблемите на Бразил со повредите бидејќи Нејмар се повреди против Србија и не се знае кога ќе се врати на теренот. Под знак прашалник е дали ќе биде денес против Јужна Кореја во осминафиналето.
Ден откако беше објавено дека СП за 25-годишниот Жезус е завршено, нова шокантна вест. Коленото му е во таква состојба што мора да оди на операција, поради што ќе биде надвор од теренот до три месеци. Тоа е огромен удар за неговиот клуб и репрезентација. Бразил е осакатен со заминувањето на Жезус од Светското првенство. Тој е првата замена за Ришарлисон, а на 59 настапи за репрезентацијата постигна 19 и постави 13 гола.
Жесус се истакнува оваа сезона во Арсенал, кој летово го донесе од Манчестер Сити за 52 милиони евра. Тој е еден од најдобрите напаѓачи во Премиер лигата, а со пет гола и шест асистенции е еден од најзаслужните лидери на Арсенал. Сепак, неговиот клуб ќе мора да одигра 12 првенствени натпревари без својата ѕвезда, вклучувајќи го и дербито на сезоната против Манчестер Сити.