Бразилската Серија А е најјаката фудбалска лига во светот, според IFFHS, Меѓународната федерација за фудбалска историја и статистика.
Според листата на најдобри лиги на IFFHS, Бразил го држи првото место со 1181 поени, а потоа следат англиската Премиер лига, шпанската Ла Лига, германската Бундеслига, италијанската Серија А и француската Лига 1.
Седмото место го држи португалската Примеира лига, на осмо е холандската Ередивизија, деветта е аргентинската Примера, а 10-тото место, на општо изненадување на фудбалската јавност, го држи парагвајската прва лига која се нарекува Професионална лига. Позициите на Бразил и Парагвај се секако најнеобичните детали на оваа листа.
На другите континенти ситуацијата е следна: египетската Премиер лига е најдобра во Африка и 13-та во светот, Корејската К-лига класик е најдобра во Азија, мексиканската лига е најдобра во КОНКАКАФ, а во Океанија приматот го држи новозеландската Премиер лига.
Првата македонска фудбалска лига се позиционира на 74-тото место, што го дели со Кина со 250,5 поени.