Ултрадесничарски гувернер на бразилска држава ги спореди нарко дилерите со терористи и нацисти и предложи нивна ликвидација со снајпери.
Вилсон Викел на полицијата ѝ порача да ги убива наркодилерите со снајпер од хеликоптер, пренесува Reuters. Тој стана гувернер благодарение на острата реторика и сојузништвото со претседателот на Бразил. Запрашан дали верува дека еден ден ќе стане претседател, тој веднаш одговори дека не се сомнева во тоа, иако не кажа кога ќе се кандидира.
Во Рио де Жанеиро дојде до пад на процентот на убиства откако Викел дојде на позицијата гувернер на 1 јануари. Според Reuters, во Рио се забележани околу 25 проценти помалку убиства отколку во истиот период минатата година. Меѓутоа, пораснат е бројот на случаи во кои полицијата користела смртоносна сила.
Критичарите велат дека неговата реторика им дала дозвола на полицајците да убиваат.
„Никој не сака да убива бандити, сакаме да ги уапсиме. Меѓутоа, мора да знаат дека доаѓаме на суров начин. Кога ќе дојдеме или се предаваат или умираат“, изјави Викел.