Холивудскиот актер на своја кожа има почувствувано како е да поминеш низ криза во бракот и да се разведеш. Бред Пит со медиумите сподели неколку совети за бракот кои добро ќе му дојдеа кога поминуваше низ брачната криза со Анџелина Џоли.
Иако нивниот брак се распадна, Пит вели дека посакува некој да му ги кажел овие совети, објави Daily Viral.
Никогаш не ја земајте сопругата здраво за готово
Кога ја запросивте, се обврзавте дека ќе бидете човекот кој ќе го има и ќе го чува нејзиното срце. Таа ве одбрала вас. Никогаш немојте да го заборавате тоа и не се „залежувајте“ во љубовта. Никогаш не ја земајте сопругата здраво за готово.
Чувајте место во срцето за неа
Сакајте се себе си, сакајте го светот, но имајте и посебно место во срцето во кое не може да влезе никој освен вашата сопруга. Чувајте го тоа место секогаш подготвено за неа, поканете ја да влезе внатре и не доволувајте никој друг да влезе таму.
Заљубувајте се одново и одново
Постојано ќе се менувате, не сте истите луѓе што бевте кога се венчавте и за пет години од сега нема да бидете истите луѓе кои сте денес. Промената ќе дојде, а кога ќе дојде треба да ја одбирате таа нова личност секој ден. Таа не мора да остане со вас и ако не се грижите за нејзиното срце можеби ќе му го даде на некој друг и никогаш нема да го добиете назад.
Не е ваша работа да ја менувате и поправате
Ваша работа е да ја сакате, без очекувања дека ќе ја смените. Ако таа се промени, сакајте ја таква каква што станала.
Преземете одговорност за вашите емоции
На вашата сопруга не ѝ е работа да ве усреќува. Вие сте одговорни за тоа дали и како ќе ја најдете сопствената среќа и кога ќе ја најдете, таа среќа ќе се прелее на вашата врска и љубовта.
Не се секирајте за пари
Парите се игра, најдете начин да работите заедно и да заработувате како тим. Никогаш не се исплати членовите на тимот да се расправаат.
Простувајте веднаш
Простувајте и секогаш бирајте ја љубовта. На крајот на краиштата, ова е единствениот совет што ви треба. Ако ова е единствениот принцип по кој се водите, ништо нема да застане на патот на вашата среќа и љубовта ќе трае засекогаш.
