Бред Пит, иако зад себе има голем број успешни проекти, откри кој од неговите филмови го смета за најлош во кариерата.
Станува збор за филмот „Троја“ (Troy) адаптација на Хомеровиот еп во режија на Волфганг Петерсен во кој Пит го играше Ахил, легендарниот непобедлив воин, и кој беше прифатен со значително воздржување од критичарите.
„Не беше болно, но сфатив дека начинот на кој беше раскажан филмот не е како што сакав да биде. Јас направив свои грешки во него. Што се обидувам да кажам за Troy? Не можев да излезам од средината на кадарот. Тоа ме излудуваше“, откри Пит за New York Times зошто не му се допаѓало работењето на филмот.
Тогаш Пит не можеше да го каже своето мислење поради договорните обврски, но подоцна откри дека жали за снимањето на филмот бидејќи студиото го принудило на тоа откако се откажал од друг проект.
„Станав разгален работејќи со Дејвид Финчер. Тоа не е потценување на Волфганг Петерсен. ‘Das Boot’ е еден од најдобрите филмови на сите времиња. Но, некаде попатно Troy стана комерцијална работа. Секој кадар беше како ‘Еве го хереојот’ Немаше никаква мистерија“, додаде Пит.
