Легендарниот американски квотербек Том Брејди ќе му се приклучи на Fox Sports како водечки аналитичар по завршување на својата блескава кариера во американскиот фудбал, објави телевизиската мрежа.
Fox не ги обелодени условите на договорот, но весникот New York Post објави дека Брејди, кој седум пати го освојуваше популарниот Супербоул, се согласил на десетгодишна соработка вредна 375 милиони долари.
Со тоа Брејди ќе стане најскапо платен спортски аналитичар во светски рамки, а воедно ќе биде и амбасадор на Fox, кој ќе помага во спонзорски и промотивни активности.
„Воодушевени сме од одлуката на Брејди да се обврзе да биде дел од нашиот тим. Му посакуваме сè најдобро во претстојната сезона“, соопшти Fox.