Ракометарите синоќа пристигнаа во Египет, а веќе вечерва го играат првиот натпревар и тоа со Шведска.
Денеска македонската репрезентација успеа и да одработи еден тренинг и да го почувтсвува паркетот во салат во Каиро каде вечер од 20:30 часот играат против Шведска.
Швеѓаните имаат проблеми со сотавот, пристигнаа десеткувани откако поради позитивни тестови на COVID-19 им отпаднаа неколкумина првотимци, но тоа не значи дека Македонија е фаворит.
И нашиот селектор Данило Брестовац во земјата на фараоните е со подмладен состав, но без корона проблеми бидејчи сите во напиот табор на сите тестирања излегоа негативни.
„Македонија на Светското првенство ќе настапи со состав кој е во фаза на формирање. Но, верувам дека и со овој тим можеме рамноправно да се носиме со сите, пред сѐ со ривалите во нашата група. Со оглед на кусиот временски период кој го имавме, но и промените кои Шведска ги има во составот, се потрудивме да најдеме што е можно повеќе материјали за што подобро и побрзо да се подготвиме. Колку и да сме неподготвени, нема однапред да се предадеме, нема бело знаме. Учеството на првенството е награда за нас, но не треба да се задоволиме само со тоа. Ќе бараме место и во следната фаза“, вели Брестовац, пренесува порталот 24 Ракомет.