Рене Зелвегер се врати во улогата што ги освои срцата на обожавателите ширум светот.
Двојната оскаровка ја игра главната улога во последниот дел од романтичниот серијал за Бриџит Џонс, наречен Bridget Jones: Mad About the Boy.
Зелвегер првпат ја толкуваше Бриџит Џонс во романтичната комедија Bridget Jones's Diary од 2001 година. Филмот што ги следеше романтичните авантури на триесетгодишна Англичанка која нема среќа во љубовта, заработи повеќе од 280 милиони долари во кината со буџет од 25 милиони.
Поради големиот успех, филмот доби две продолженија: Bridget Jones: The Edge Of Reason од 2004 година и Bridget Jones's Baby од 2016 година. Сите филмови од серијата се базирани на истоимените романи на авторката Хелен Филдинг, која работеше и на сценариото на претстојниот филм.
Бриџит Џонс ја следи Бриџит четири години по смртта на нејзиниот сопруг Марк (Колин Фирт), кој беше убиен за време на хуманитарна мисија во Судан. Бриџит сега е самохрана мајка на две деца, деветгодишниот Били и четиригодишната Мејбел, и се чувствува изгубено без Марк, па верните пријатели и поранешниот љубовник Даниел Кливер (Хју Грант) ѝ помагаат да ги израсне децата.
На повик на пријателите кои сакаат да ја расположат, Бриџит се враќа на работа и почнува да бара љубов на апликациите за запознавање. Таму го запознава 29-годишниот Рокстер (Лео Вудал), кој на почетокот ја освојува, но во исто време почнува да развива чувства кон учителот на нејзиниот син (Чиветел Еџиофор).
Покрај веќе споменатите актери, остатокот од актерската екипа го сочинуваат Џим Бродбент, Сара Солемани, Сали Филипс, Ширли Хендерсон, Џејмс Калис, Нил Пирсон, Џоана Сканлан и Селија Имри, кои глумеа во претходните делови од серијалот, и новодојдените Исла Фишер, Нико Паркер, Жосет Сајмон и Лејла Фарзад.
Филмот Bridget Jones: Mad About the Boy го режираше Мајкл Морис, кој е познат по неговата работа на сериите Better Caul Saul и House of Cards и филмот To Leslie. Покрај Филдинг, на сценариото работеа Ден Мејзер и Аби Морган.
Филмот е продуциран од Тим Беван, Ерик Фелнер и Џо Волет, а извршни продуценти се Амелија Гренџер, Сара-Џејн Рајт и Филдинг.
Bridget Jones: Mad About the Boy ќе биде премиерно прикажан на стриминг услугата Peacock на 13 февруари 2025 година.
