Голден Стејт Вориорс на свој паркет го победи Њу Орлеанс Пеликанс со 120:109, благодарение на одличната партија на Стеф Кари кој изброја до 39 поени.
Вориорс дојдоа до победата со која скокнаа на 6. место на табелата во Западната конференција, но мораа да се помачат за неа, со оглед на тоа што на полувремето губеа со 17 разлика.
Сепак, во продолжението се ставија во брзина и направија голем пресврт, па ја оправдаа улогата на фаворити.
Стивен Кари постигна 39 поени со 8 тројки, 8 скока и 8 асистенции, Џордан Пул додаде 21 поен, а Клеј Томпсон постигна 17 поени.
На другата страна Инграм имаше 26 поени, 8 скока и 7 асистенции, Треј Марфи Трети постигна 21 поен, а Си Џеј МекКолум додаде 15 за Пеликанс.
Пи Џеј Вашингтон постигна 22 од неговите рекордни во кариерата 43 поени во четвртата четвртина, а Шарлот Хорнетс ја совлада Оклахома Сити Тандер со 137:134 за трета последователна победа.
Тројца играчи на Тандер ги одиграа најдобрите натпревари во кариерата - Ајзеја Џо со 33 поени, Џош Гиди и Џејлен Вилијамс со по 31, но тоа не беше доволно за да избегнат пораз.
Резултати:
Вашингтон Визардс - Бостон Селтикс 130:111
Атланта Хокс - Кливленд Кавалирс 120:118
Торонто Репторс - Мајами Хит 106:92
Мемфис Гризлис - Орландо Меџик 113:108
Оклахома Сити Тандер - Шарлот Хорнетс 134:137
Голден Стејт Вориорс - Њу Орлеанс Пеликанс 120:109
Табела: