Италијанката Федерика Брињоне (34) стана најстарата светска шампионка во историјата.
Брињоне го освои златото во велеслалом на Светското првенство во Залбах, Австрија со време од 2:22,71 минути.
„Долго сонував за овој момент, секогаш завршував на второто место. Ова е најдобриот ден во мојот живот, полека доаѓам на себе, се обидувам да се смирам“, изјави светската првенка.
Италијанката ја растури конкуренцијата во велеслалом, само шест натпреварувачки заостанаа помалку од три секунди од победничката.
Сребрениот медал ѝ припадна на Алис Робинсон од Нов Зеланд, таа имаше за 90 стотинки послаб резултат од Брињоне. Третопласираната Пола Молцан од САД заостануваше 2,62 секунди зад Италијанката.
