Познатата единица на британската армија SAS (Special Air Service) обучува посебна група специјалци да бидат подготвени за „алтернативни закани“, вклучувајќи и потенцијални напади од вонземјани, пренесе Daily Star.
Дваесетина припадници на елитната формација, основана во 1941 година, се обучени за врвни акции против различни потенцијални закани, вклучително и за закани од вонземјани. Според извор на весникот, SAS мораат да бидат подготвени за сè и за секакви закани.
„Тоа вклучува сè, од терористи до биолошко оружје - кога некој е намерно заразен со смртоносен вирус, па до вонземски форми на живот“, пишува Daily Star. „Специјалците мора да бидат подготвени на сè. Можеби звучи лудо, но мисиите на SAS подразбираат прекин на секоја закана“, тврди изворот.
Понатаму во текстот е наведено дека британските специјалците тренираат заедно со нивни колеги од САД.
„Повеќето луѓе веруваат дека постои живот на другите планети. Дури и Алберт Ајнштајн во 1920 година изјавил ‘Зошто Земјата би била единствената планета на која е можно да постои живот?’“, вели неименуваниот извор.
Тој додава дека за овој воен проект никој не сака да зборува јавно, бидејќи звучи премногу неверојатно, но сепак има смисла.
Дури и професорот Стивен Хокинг, додека беше жив, предупредуваше за можен контакт со вонземјани и за тоа какви би биле реакциите на луѓето.