Британски турист беше убиен на Ибица, откако учествуваше во тепачка со група составена од британски туристи. Името на жртвата е Конор Ли и тој имаше 23 години.
Полицијата известува дека тој починал откако учествувал во физичка пресметка со групата туристи, која се случила во 03:30 часот по полноќ.
Тој престојувал во хотелот Бергантин, каде пристигнал во четвртокот и требало да си замине денеска. Таму пристигнал сам и неговиот багаж сѐ уште бил во собата во моментот кога полицијата дознала за убиството.
„Сведоците со кои разговараше полицијата тврдат дека убиениот Конор ли започнал расправија со група туристи составена од пет мажи и две жени, додека причината и понатаму останува под истрага“, вели претставник на полицијата на Ибица.
Тој починал на лице место, а истрагата на полицијата ќе докаже дали бил убиен со удар во главата, или пак причината за неговата смрт е удирањето на неговата глава од земја. И понатаму нема уапсени и приведени, поради тоа што не е идентификуван ниту еден човек од групата туристи кои ја предизвикале смртта на Ли.
