Британскиот премиер Борис Џонсон и неговата свршеница Кери Симондс тајно се венчаа во Лондон, објавија синоќа лондонските медиуми.
Медиумите наведуваат дека Џонсон (56) и Симондс (33) се венчале вчера на приватна свеченост во Вестминстерската катедрала, во присуство на мал број роднини и пријатели.
Sun пишува дека ниту членовите на Владата не знаеле дека е планирана венчавка. Според британските мерки воведени поради спречување на коронавирусот, на свадбена церемонија можат да присуствуваат најмногу 30 луѓе.
Џонсон и Симондс во февруари 2020 година објавија дека се вериле. Тие го имаат едногодишниот син Вилфред.
Премиерот на Велика Британија зад себе има два брака, но тој е прв сопруг на Симондс.
