Британскиот премиер Борис Џонсон и неговата сопруга Марина Вилер постигнаа финансиски договор за разводот.
Адвокатите на Џонсон и на Вилер присуствуваа на краткото приватно рочиште пред Централниот семеен суд во Лондон. Судијката Сара Гибонс им забрани на медиумите да известуваат за финансиските детали околу разводот и спогодбата.
Гибонс ѝ даде дозвола на Вилер да поднесе молба за развод на бракот, со која и формално бракот ќе биде прекинат .
Џонсон и Вилер, која е адвокат, се венчаа во 1993 година и имаат четири деца.
Во септември 2018 година објавија дека се разделуваат и планираат да се разведат.
55-годишниот Џонсон сега живее со неговата 31-годишна партнерка Кери Симондс во премиерската резиденција на Даунинг стрит број 10.