Британскиот премиер, Дејвид Камерон купи половна Nissan Micra за 2.000 евра, а според продавачот, премиерот не добил попуст за зделката.
Продавачот Ијан Харис, кога го добил првиот повик од службата за безбедност на премиерот Дејвид Камерон, мислел дека станува збор за финта што му ја подготвуваат пријателите.
„Ми се претставија и ми кажаа дека премиерот е заинтересиран да ја купи половната сина Micra од мојот плац. Ме замолија да останам половина час подоцна на работа, за премиерот да може лично да дојде и да го погледне возилото што го интересираше“ - вели Харис во разговорот за Guardian.
Иако не верувал, останал половина час подоцна и на големо изненадување, британскиот премиер вистински се појавил во договореното време придружуван од обезбедувањето.
„Претпоставувам дека огласот за автомобилот го видел на Интернет, а сметам дека вниманието му го привлекло тоа што е мал и економичен автомобил направен во Британија“ - вели продавачот, и додава дека премиерот дошол следниот ден да го плати возилото.
Продавачот вели дека разговарал со Камерон како и со секој друг купува, а додава и дека не му дал попуст, туку дека премиерот ја платил целата сума од 1.495 фунти (околу 2.000) евра.
Според Харис, автомобилот е во одлична состојба, има поминато 150.000 километри, а премиерот го купил за својата сопруга.