Откако заврши 13-годишното конзерваторско старателство на Џејми Спирс врз ќерка му Бритни Спирс и нејзиниот имот, се чини дека пејачката сè уште ги чувствува последиците.
Преку својотInstagram, Бритни „ја отвори душата“ и ги сподели своите фрустрации со документарците и специјалните ТВ-прилози снимени за нејзиниот живот. Во таа прилика изјави дека ниту една друга ѕвезда немало да добие толку внимание како неа.
„Чувствувам дека Америка навистина се потруди да ме понижи“, започна пејачката.
Таа објасни како до ден денес секогаш оди до својот автомобил кога пристигнува на аеродром. Меѓутоа, откако неодамна се вратила од меден месец, ја собрале во голф-количка. Единствена причина за тоа, тврди таа, е тоа што знаеле дека на тој начин можат да ја „фотографираат“.
„Тоа е Америка. Никогаш во животот не сум бил повеќе малтретирана во оваа земја. И навистина, никогаш не сум видела толку многу документарни филмови за една личност, Вил Смит, Гвинет Палтроу или Џенифер Лопез. Никој на светот не би ископал толку многу негативни снимки и би направил неколкучасовни специјални прилози затскриени зад маската дека ПОМАГААТ. Тоа е толку навредливо“, заклучи Спирс.
Таа додаде дека неколку луѓе ѝ потврдиле дека веруваат дека конзерваторството ѝ завршило поради тие документарни филмови, што, како што вели, е далеку од вистината.
На крајот, пејачката истакна дека државата е најголемиот виновник за тоа низ што поминува.
„Оваа нација е сите за еден, а нешто сосема друго за мене – насилник“, напиша таа и додаде дека државата никогаш не направила ништо за да ја заштити.
„...и сериозно, дали е навистина легално да се снимаат толку многу документарни филмови за некого без негова дозвола?“, се запраша Бритни.
Иако конзерваторството беше прекинато минатата година, Бритни уште води одредени битки кои останаа како резултат на таа судска одлука.
Пејачката неодамна се омажи за својот вереник Сем Асгари, а заедно се вселиле во нова куќа. Од бракот со поранешниот сопруг Кевин Федерлајн, Спирс ги има синовите Шон Престон Федерлајн и Џејден Џејмс Федерлајн.
