Кариерата на „Принцезата на поп-музиката“ е во рацете на законски старатели, откако таа имаше прилично јавна криза на менталното здравје пред 13 години.
Бритни Спирс почна да се однесува неконтролирано во 2007 година, по разводот од Кевин Федерлајн во кој го изгуби старателството врз нивните две деца. Голем дел од нејзините наводни „нервни сломови“ се случија пред очите на медиумската јавност: Бритни се најде на насловните страници на таблоидите кога си ја избричи косата и беше фотографирана како удира со чадор по автомобилот на папарацо фотограф. Поп-пејачката имаше и неколку обиди за почнување психотерапија во установа.
Деталите од договорот за законско старателство врз полнолетно лице никогаш не беа објавени за јавноста, но познато е дека Спирс има ограничувања на автономијата.
Бритни Спирс нема контрола врз нејзините финансии и кариерни одлуки од 2008 година наваму, согласно договор што во законите на САД се нарекува „conservatorship“. Според овој договор, таткото и адвокатот на Спирс менаџираа со нејзините финансии и личен живот, вклучувајќи забрана за посетители и комуникација со докторите во врска со нејзината терапија.
Демонстрантите на кампањата #FreeBritney (#ОслободетеЈаБритни) протестираа лани во Лос Анџелес, изразувајќи загриженост за нејзината добросостојба и слобода. Спирс првпат јавно зборуваше за контроверзниот договор со кој ѝ бил контролиран животот. Во 40-минутното онлајн сослушување, 39-годишната пејачка зборуваше за 13-годишната тортура, траума и ужас.
Слушнете ја нејзината страна на приказната:
