Откако пред неколку дена нејзините фанови повикаа полиција за да провери што се случува со пејачката поради нејзиното чудно однесување, Бритни се врати на Instagram и откри дека немала нервен слом како што се шпекулираше.
Пејачката Бритни Спирс повторно привлекува внимание со своето, најблаго кажано, чудно однесување во последните месеци. Откако пред неколку дена нејзините фанови повикаа полиција за да проверат што се случува со пејачката бидејќи ја снема од Instagram, Бритни се врати на социјалната мрежа и разјасни дека немала нервен слом како што се шпекулира.
„Сите мислат дека знаат сè за мене. Размислете уште еднаш. Не, не доживеав нервен слом. Јас сум тоа што сум и продолжувам со мојот живот. Никогаш не сум се чувствувала подобро. Не, јас не сум оваа девојка или онаа девојка, јас сум Ривер Ред (Црвена Река) и конечно мојот глас се слуша во свет ги изгубив правата... 15 години... имам прилика да успеам!!! Прилика да знам дека сум важна и можеби ако се ставите во моја кожа, тогаш можеби би можеле да сфатите. Уште учам да живеам без туѓи правила, не размислувам толку ограничено, се чувствувам млада и се восхитувам... за жал ужасно сум здодевна и навечер пијам топло чоколадо“, напиша пејачкатаа и додаде дека чекала 15 години за да може да пие алкохол за да сфати дека воопшто не ѝ се допаѓа.
Бритни на крај, меѓу другото, напиша дека сама го исклучила Instagram профилот и пак го вратила „затоа што ѝ се може“.
Набрзо потоа објави и видео на кое позира во кратко карирано здолниште и бела кошула. Заедно со видеото рече дека „чека комплименти“, но и покрај тоа и за оваа објава, исто како и за претходната, ја исклучи можноста за оставање коментари.
