Француската актерка Брижит Бардo, поголемиот дел од актерките кои јавно тврдеа дека биле сексуално злостанувани ги карактеризираше како „лицемерни, смешни и неважни“, и ги критикуваше оние кои со додворување доаѓаат до улога.
Поранешното лице на француската кинематографија, која има 83 години, во едно интервју за француските медиуми рече дека никогаш не била жртва на сексуално злоставување.
„За мене беше шармантно некој да ми каже дека сум убава или дека имам убав, мал задник. Таквиот вид на комплименти е пријатен“, оцени актерката која стана ѕвезда како секс симбол на педесеттите години.
Околу сексуалното злоставување во светот на глумата Брижит Бардо изјави дека поголемиот дел од актерките кои ги изнесуваат обвиненијата се „лицемерни, смешни и неважни“, и додаде дека ова нејзино тврдење не се однесува на сите жени.
„Има доста актерки кои им се додворуваат на продуцентите само за да добијат улога. Потоа, за уште повеќе да се зборува за нив, тие зборуваат дека биле злоставувани. Всушност, имаат повеќе штета од корист од таквите приказни“, изјави актерката.