Бројот на жртви во пожарот се искачи на 59, меѓу нив и полицаец

Министерот за внатрешни работи Панче Тошковски излезе на прес-конференција во врска со трагичниот пожар во дискотеката „Пулс“ во Кочани.

Тој извести дека според последните достапни податоци, бројот на жртви се искачил на 59 од кои 35 се идентификувани, а меѓу нив и полициски службеник од Пробиштип кој ноќта бил службено ангажиран.

Од идентификуваните, 31 лице се од Кочани, 4 се од Штип.

Бројот на повредени е искачен на 155. 

Mинистерот Тошковски изјави дека со над 10 лица се извршени разговори, а за 4 лица е распишана централна потерница. Не даде повеќе детали за избеганите кои ќе ги бараат со потерница. 

Ангажирани се полициски службеници кои ги обезбедуваат болниците во кои се згрижени повредените и ќе земаат изјави од оние кои се контактибилни.