Брони постигна рекорд во тешкиот пораз на Лејкерс

Лос Анџелес Лејкерс беа поразени од Милвоки Бакс со 89:118 во натпревар во кој не можеа да сметаат на повредените Леброн Џејмс, Лука Дончиќ и Остин Ривс. На синот на Леброн, Брони Џејмс, му беше дадена најголемата можност во НБА досега, а тој ја искористи во своја полза.

Синот на рекордерот за најмногу поени во НБА (41.924 во регуларниот дел од сезоната, вкупно 50.086) пристигна во НБА како 55-ти пик на минатогодишниот драфт. На Леброн му се исполни големата желба да игра во лигата со синот, а откако ги одиграа првите минути, тој и Брони станаа првата комбинација татко-син на НБА паркетот.

Многумина ја критикуваа одлуката на Лејкерс да ја исполнат желбата на нивниот лидер, особено по лошиот почеток на НБА кариерата на Брони. Неговиот просек е 1,6 поени, 0,5 скока и 0,4 асистенции за помалку од пет минути игра по натпревар.

Синоќа доби 30 минути, убедливо најмногу во неговата кратка кариера. Ги искористи за да постави личен рекорд за поени, асистенции и го израмни рекордот по украдени топки. Натпреварот го заврши со 17 поени, три скока и пет асистенции. Од поле шутираше 7/10 од кои 2/4 тројки.

Тој до синоќа одигра еден натпревар во кој имаше шест обиди за поентирање и уште два во кои имаше пет. Кон крајот на јануари шутираше шест пати против Вашингтон (шутирајќи 1/6) и пет пати против Филаделфија (шутирајќи 0/5). Пред шест дена шутираше 1/5 против Денвер.

Лејкерс добија и 17 поени од Далтон Кнехт. Бакс, кои никогаш не заостануваа, имаа 35 поени предност кон крајот на натпреварот. До победата ги предводеше Јанис Адетокунбо со 28 поени и седум скока, Гери Трент Јуниор. со 23 поени и Кајл Кузма со 20 поени, пет скока и пет асистенции.