Брус Вилис е фотографиран во ресторан во Брентвуд, Калифорнија прв пат по обелоденувањето дека актерот страда од афазија.
Тој е фотографиран како руча со пријател на тераса, но не им обрна големо внимание на фотографите. Ова е прв пат да е снимен во јавност откако неговото семејство објави дека тој се повлекува од јавноста поради здравствени причини.
Актерот страда од афазија, здравствена состојба која влијае на неговите когнитивни способности.
„На сите обожаватели на Брус сакаме да им соопштиме дека нашиот сакан татко има здравствени проблеми, неодамна му е дијагностицирано афазија, состојба која влијае на неговите когнитивни способности. Како резултат на тоа, Брус ќе се оддалечи од кариерата која толку многу му значеше“, објави семејството Вилис пред 6 недели.
За нарушената здравствена состојба на актерот се пишуваше веќе неколку месеци, шпекулациите почнаа откако 66-годишниот актер почна да прифаќа улоги во нискобуџетни филмови.