Со шест куршуми во градите, лицето и вратот во Иран е убиена е 20-годишната Хадис Наџафи. Таа е втората жена убиена поради протестите по повод симнување на хиџабот.
Хадис имаше само 20 години кога излезе на протест поради убивањето на Махса Амини. Припадници на безбедносните сили на Иран ја убија девојката, која стана нов симбол на трагедијата во оваа земја. Протестите ширум Иран почнаа на 16 септември.
Новинарката Масих Алинејад ја објави веста за смртта на Хадис Наџафи, објавувајќи го нејзиното име и видео од неа, заедно со детали за трагедијата. Полицајците пукале во оваа девојка шест пати откако таа ја врзала косата и храбро зачекорила среде протестот во Караџ каде што голем број луѓе беа собрани за да изразат негодување поради смртта на Махса Амини.
Симболичниот потег на Хадис стана нов симбол на страдање во борбата за слобода во Иран. На социјалните мрежи се појави и снимка од семејството на убиената девојка како плаче над нејзина фотографија поставена на свежо ископаниот гроб.
Бруталното убиство на Хадис Наџафи се случи неколку дена откако иранската морална полиција ја претепа 22-годишната Махса Амини до смрт, бидејќи не се придружуваше до строгите правила за носење хиџаб во земјата.
Махса беше на посета на роднини во Техеран кога моралната полиција ја уапсила и ја одвела во притвор каде била брутално претепана. Девојката добила срцев удар и починала.
Нејзината смрт доведе до демонстрации ширум Иран и поттикна остар одговор на иранскиот претседател кој на полицијата нареди „одлучно да се пресметува“ со демонстрантите.