Ова бурито од пилешко бело месо брзо се подготвува, а можете да го послужите со тортиљи или леб.
Потребни состојки:
- 450 гр пилешки гради
- ⅛ лажичка сол
- ⅛ лажичка бибер
- 2 лажици масло (поделени)
- 240 гр неварен ориз
- 425 гр конзервиран црн грав
- 400 гр домати
- 1 лажичка мелен ким
- ½ лажичка кромид во прав
- ½ лажичка лук во прав
- ½ лажичка лута пиперка во прав
- 590 мл пилешки булјон
- 240 гр кашкавал
- 3 власец
Подготовка:
Пилешкото треба да биде без коски и без кожа. Исечете го на парчиња и премачкајте го со сол и бибер. Загрејте 1 лажица масло во голема тава на силен оган, испржете го пилешкото до златно кафена боја, околу 2 минути. Извадете од тавата. Во истата тава загрејте го преостанатото масло на силен оган и пропржете го оризот до златно кафеава боја, 1-2 минути.
Гравот исплакнете го и исцедете го, па измешајте го со конзервираните домати исечкани на коцки, зачините и булјонот и смесата оставете ја да зоврие. Одозгора ставете го пилешкото. Варете, покриено, додека оризот не омекне и пилешкото повеќе не е розево, околу 20-25 минути. Тргнете од оган и посипете со рендан кашкавал.
Оставете да отстои, покриено, додека кашкавалот не се растопи. Посипете со сечкан власец и послужете со тортиљи или интегрален леб.
