Во ситуациите кога треба за кратко време да направите нешто слатко и брзо, овој рецепт на познатиот готвач Гордон Ремзи може да биде вистинската опција.
Состојки:
- 120 грама шеќер во прав
- 300 грама слатка павлака
- 250 грама маскарпоне сирење
- екстракт од ванила
- пишкоти
- темно чоколадо
- ладно и силно црно кафе
Подготовка:
Во садот треба да го ставите шеќерот во прав, да додадете слатка павлака и се заедно добро да промешате
Во другата чинија треба да ставите маскарпоне со екстрактот од ванила и тоа добро да го промешате
Потоа, мешавината од марскапоне и ванила треба да се стави во шлагот и се тоа добро да се промеша.
Пишкотите потоа треба да се поделат на половина, да се натопат во кафето и потоа да се стават во садот за служење.
Откако ќе се прелијат пишкотите со смесата, врз нив треба да се изренда темно чоколадо.