Вкусен и здрав оброк со многу зеленчук.
Оваа супа е позната како минестроне супа.
Состојки:
1 лажица маслиново масло
Поголема главица кромид
Сол и бибер
2 чешниња лук
200 гр домати
4 шолји супа од зеленчук(во коцки)
1 помала тиквичка
1 помал морков
Половина шолја смрзнат грашок
30 гр рендан пармезан
Шолја свеж босилек
Начин на подготовка:
Загрејте го маслото во тава со средна големина, пропржете го кромидот и додајте сол и бибер. Додајте лук и оставете го уште 1 минута на огин. Потоа, додајте ги доматите исечкани на коцки и 4 шолји супа од зеленчук, па оставете да се вари околу 5 минути.
Додајте тиквичка исечкана на коцки, морков и варете уште 3 минути, па додајте и грашок. Оставете уште 3 минути на огин, па одозгора ставете рендан пармезан и свеж босилек.
Послужете ја супата со парчиња леб.
