Доколку сакате да го израдувате семејството со вкусен ручек, подгответе им макарони со мелено месо и спанаќ. Случно е на популарното болоњезе, но се прави побрзо и полесно, а сосот е покремаст.
Италијанската кујна е позната во цел свет и нема човек што не ужива барем во еден италијански специјалитет. Пастата, заедно со пицата, е дефинитивно најпопуларна, па затоа денеска ви предлагаме да направите макарони во кремаст сос со мелено месо и спанаќ. Уште подобри се од познатите болоњезе, а се подготвуваат многу побрзо.
Потребни состојки:
- 450 гр мелено месо (вид по избор)
- маслиново масло
- 1 кромид
- 3 чешниња лук
- сол
- бибер
- блага пипер
- италијански зачин
- 250 гр тестенини (макарони или др. по избор)
- 2 бабури
- 200 мл булјон
- 150 мл павлака за готвење
- 1 лажица доматно пире
- 50 гр чедар
- 70 гр спанаќ
- маслинки
Подготовка:
Меленото месо пропржете го на маслиново масло, па посипете со италијански зачини и блага пипер. Промешајте, па додадете го исечканиот кромид. Пржете додека не омекне, потоа додадете сечкани бабури, ситно сечкан лук, сол и бибер, па пржете уште 5 минути. Во меѓувреме варете ги тестенините според упатството на пакувањето (да бидат ал денте). Додадете го доматното пире во тавата и измешајте, па истурете ја супата (½ коцка супа растворена во 200 мл топла вода) и павлаката за готвење. Промешајте, па покријте и варете околу 10 минути. Додадете рендан чедар, спанаќ и процедени тестенини. Сè убаво измешајте и оставете на оган уште 5 минути.
