Намирниците за оваа торта веројатно веќе ги имате дома. Издвојте малку време за да ги израдувате домашните.
Состојки:
4 јајца
175 гр. шеќер
4 лажици ладна вода
100 гр. брашно
100 гр. густин
3 лажици какао
½ прашок за пециво
За фил
½ литри млеко
1 пудинг од чоколадо
6 лажици шеќер
200 гр. чоколадо
250 гр. маргарин
Останато
Мармалад од кајсии
Рyм
150 гр. чоколадо
Начин на подготовка:
Пенливо изматете јајца, шеќер и вода. Измешајте ги брашното, густинот, какаото и прашокот и додајте ги во смесата со јајца. Внимателно промешајте и сипете во округло тавче со пречник од 26 сантиметри.
Печете во загреана рерна на 180 степени, околу 25-30 минути.
Изладената кора исечете ја на 3 дела. Згответе го пудингот и додајте чоколадо. Мешајте додека чоколадото да се растопи, а кога ќе се излади смесата, додајте маргарин и изматете. На секоја кора додајте рум, премачкајте со мармалад и фил и наредете ги листовите еден над друг. Целата торта премачкајте ја со растопено чоколадо.
